پوهنتون غالب، با هم‌کاری شاروالی ولایت هرات، برنامهٔ کمپاین نهال‌شانی را راه‌اندازی و اجرا نمود.
دراین برنامه، دکتر محمدطاهر تنزه‌ای، معاون علمی و سرپرستِ ریاست پوهنتون غالب، ضمن خوش‌آمدید به حاضران، بر نهال‌شانی و حفظ نهال‌های غرس‌شده تاکید ورزید. سپس مولوی جلال‌الدین حق‌دوست، معاون شاروالی ولایت هرات، ضمن تشکر از هیئت ره‌بری پوهنتون غالب جهت راه‌اندازی این کمپاین، سخنانی پیرامون سرسبزی شهر هرات، بیان نمود. سپس فریداحمد فره‌مند، به نماینده‌گی از شوراهای نواحی ولایت هرات، از کمپاین نهال‌شانی اظهار خرسندی نمود.
جلیل‌احمد اسلمی، رئیس شورای پولیس مردمی حوزهٔ چهارم شهر هرات، از زنده‌شدن طبیعت در این فصل، بعد از این‌که مُرده بود به ایراد سخن پرداخت.
این برنامه، روز دوشنبه، ۲۱ حوت ۱۴۰۲، با غرس نهال در مسیر عمومیِ خیابان مخابرات و گِردهٔ پارک ترقی، برگزار شد.
در این برنامه، هیئت ره‌بری، استادان و کارکنان غالب و هئت شاروالی ولایت هرات، اشتراک ورزیده بودند.
غالب، هم‌واره در امور محیط زیست، تلاش‌های هدف‌مند و ارزنده‌یی داشته و این مورد را از وظایف حتمی خود می‌داند.
سهم‌گیری پوهنتون غالبِ هرات در سرسبزیِ شهر
